《讀者請教》
大男朋友七年，佢媽媽唔鐘意我
同男朋友拍拖兩年，中途男朋友需要去外國讀書。喺男朋友飛去外國前岀街多咗，佢媽媽就開始有說話聽。説我阻住我男朋友，佔佢太多時間，佢都要讀書，見朋友，做其他佢自己嘅事情。
我地平時岀街日子都是一星期兩日，男朋友去外國前大約隔日去一次街，通常下午3點後時間岀。
雖然我沒有正式同佢媽媽食過飯，但過時過節都會買禮券給男朋友給佢屋企。有時岀完街都會買蛋糕叫男朋友拎返屋企給他們一家食。
最近男朋友由外國返咗嚟。有一次佢媽媽訊息給他們一家的群。兩兄妹都沒有馬上回覆。幾個小時後，佢媽媽離群搞失蹤。最後夜晚佢媽媽回家，罵男朋友話當屋企酒店嗎？酒店都有入住同退房。我連我自己的子女都唔知去咗邊。
佢媽媽話唔期望你另一半令你飛黃騰達，但一定唔可以阻住你。隔多一段時間後，佢媽媽再捉男朋友話，叫男朋友同我分手，如果唔係唔認佢做仔，說我太控制男朋友，佔咗佢好多時間。男朋友說我對他好好，佢媽媽說對你好係扮的，唔好咁天真，其他內容男朋友無說。佢媽媽還叫佢妹妹叫佢同我分手。還對佢妹妹說我額頭高（朋友唔覺我額高，正常比例），剋夫。最近男朋友去親戚屋企食飯。佢媽媽叫佢親戚勸佢分手。都是說唔好比個女仔拖累你，大過你等等的說話。
請問各位，可以點先令佢媽對我改觀或我應該點做好？
Thank you 😊
感謝看完全文的你地。
＃我的極品四大長老
Search